ഈ അടുത്ത കാലത്തായി ഞങ്ങളുടെ നാട്ടിലെ ബസ് കണ്ടക്ടര്മാര് അടക്കം മറ്റു പലരും ഹിന്ദിയും മറ്റും അത്യാവശ്യം പഠിച്ചു മിടുക്കന്മായിരിക്കുകയാണ് .നാട്ടിലെ റോഡു പണിയാനും ഫ്ലാറ്റും മറ്റു കൊട്ടാരങ്ങളും ഉയര്ത്തുവാനും വരുന്ന ഭായിമാരോട് ഇടപെടണമല്ലോ.ഇന്നും മലയാളത്തിന്റെ വളഞ്ഞു പുളഞ്ഞ അക്ഷരങ്ങള് വായിക്കാന് അറിയാത്ത കുറച്ചു ഭായിമാര് പെരുംബാവൂര്ക്കാനെന്നു കരുതി ഞങ്ങളുടെ സര്ക്കുലര് ബസ്സില് കയറി.പാതി വഴി എത്തിയപ്പോഴാണ് കണ്ടക്ടര് അടുത്തെത്തിയത്.ഇത് പെരുംബാവൂര്ക്കൊന്നുമല്ല.ജാവോ ജാവോ ..ബാഹര് ജാവോ...അയാള് ദേഷ്യത്തോടെ പറഞ്ഞു.മുഷിഞ്ഞു വിയര്പ്പില് മുങ്ങിയുള്ള അവരുടെ ദൈന്ന്യം നിറഞ്ഞ രൂപം കണ്ടപ്പോള് സങ്കടം തോന്നി.പുറത്തു സ്വര്ണ്ണ നിറത്തില് പുകയുന്ന വെയില്... .അവര് പരസ്പരം പരിഭവിച്ചു പെരുവഴിയില് ഇറങ്ങി .ഞായരാഴ്ച്ച പോലും പണിയെടുത്തു നടുവൊടിഞ്ഞു മടങ്ങുന്ന അവര്ക്ക് വീണ്ടും നിന്ദ തന്നെ ശമ്പളം .കൌമാരപ്രായത്തില് പോലും ജീവിതത്തോട് സമരം ചെയ്തു ജീവിക്കുന്ന അവര് അല്പ്പം കൂടെ അനുഭാവ പൂര്ണ്ണമായ പെരുമാറ്റം അര്ഹിക്കുന്നില്ലേ? നമ്മുടെ വിദ്യാഭ്യാസം അതൊന്നും നമ്മെ പഠിപ്പിക്കുന്നില്ലല്ലോ.ഹിന്ദിയിലും ബോര്ഡില് എഴുതി വച്ചാല് മതിയാകും . റയില്വേ സ്റ്റെഷന് റോഡു നിറയെ വിയര്പ്പില് മുങ്ങിയ ഭായിമാരാണ് പല ദിവസങ്ങളിലും.ഇന്ത്യ എന്റെ രാജ്യം,എല്ലാ ഇന്ത്യാക്കാരും എന്റെ സഹോദരീ സഹോദരന്മാര് എന്ന് സ്കൂള് അസ്സെംബ്ലിയില് നിന്ന് എന്നും ആവര്ത്തിച്ചു ഉച്ചരിച്ചത് അന്നം തേടി നമ്മുടെ അരികെ വന്നു വിയര്പ്പൊഴുക്കുന്ന അവരെപ്പോലുള്ളവരെക്കുറിച്ചും ഓര്മ്മിപ്പികാനാവണം .
1 comment:
this is a good one!!!!!!!!!!!!!!
Post a Comment